Kuz haqida sherlar. Oltin kuz fasli kirib kelishi bilan barcha joylarda uning tarovati tarqala boshlaydi. Sentabr oyida biz asosan olin kuzning iforini his etamiz. Shunday ekan Sizlar uchun kuz haqida eng sara sherlarni taqdim etamiz.
Oltin kuzim – Kuz haqida sherlar.
Mevalarni
Shakar etding,
Yaproqlarni
Sim-zar etding,
Oltin kuzim.
To’kin-sochin
Dala-yu bog…
Dehqonlarning
Dimog’i chog’,
Saxiy kuzim.
Oltin kuz.
Ko‘z-ko‘z qilib bor bisotini,
O‘lkamizga kuz fasli keldi.
Ona yerning saxovatini
Ko‘rib, qalbim quvonchga to‘ldi.
Kuzning qaynoq nafasi dastlab
Dalalarda, bog‘da sezilar.
Tolning sarg‘ish yaproqchalari
Bandlaridan chirt-chirt uzilar.
Egilibdi anor shoxlari
Ko‘tarolmay o‘z hosilini.
Uchratasiz ko‘rkam bog‘larda
Mevalarning eng asilini.
Paxtazorlar oppoq libosda
Qamashtirar boqsam ko‘zimni.
Qo‘shiq qilib kuylayman bugun
Ona yurtim oltin kuzini.
Tavsiya etamiz : Bolalar uchun sherlar
Xazonrezgi kuz
Yana xazonrezgilik,
Bog’lar rangi siniqdi.
Dilda hokim ezgulik,
Anhorda suv tiniqdi.
Oq yaktakli qayinlar
Taqdi yana zar baldoq.
Qushlarga gap tayinlab,
Chag’-chag’laydi zarg’aldoq.
Ufq orti lolagun,
Daraxtlardan rang olar.
Xayrlashib kuz bugun,
Sochar oltin tanghalar.
So’nggi yaproq – Dilshod Rajab
Daraxtning bir
Butog‘i
Tutib turar
Yaproqni
Qo‘llarida
Avaylab.
Nogoh kelar yel
Poylab.
Tortqilay boshlar
Yulqib,
Daraxt qaltirar
Dir-dir.
…Ey to‘ymas yel —
Quv, baxil,
Rahm qil-da,
Bu, axir
Shir yalong‘och
Daraxtning
Qolgan so‘nggi
Chaqasi.
Tavsiya etamiz : Bolalar uchun sherlar
